3尾兔仔26／8／3
機蜜、野蓮鳥、文化玩百
7月的台文罔報冊皮是甘露水媠甲！
〈台灣蜂、人間機蜜〉寫蜂嫌檨仔臭臭，致使檨仔授粉愛倚靠胡蠅。我嘛無愛檨仔的味，頭一擺佮蜂達成共識。
有一改所遊，對興大出發to有虎頭蜂飛入去，逐改欲上車都有虎頭蜂，規工拄著3改！我坐頭前見擺to驚甲緊落車，坐後壁的同學攏無要無意。彼工正經不宜旅遊。
2美農有水雉，遐種野蓮號做野蓮鳥。
《來去恁兜洗魂舒》第10集到高雄，紹介野蓮鳥，看in按怎保育，不止仔好看。野蓮是一種野菜，後來全台攏有咧食，我想講這這種菜無稀罕。有一改食辦桌，有一齣菜是破布子炒水蓮，仝桌的煞幾若个毋捌食過嘛毋捌買來煮。阮兜兔仔嘛食過水蓮囉！前進ig流行兔仔食1m水蓮比賽，無一分鐘to suh了了。
轉去宜蘭，五結田邊看著菱角鳥走過車路，oa̍h彼鳥仔我有佇新聞看過。五結的水雉，毋知敢愛號做稻仔鳥？官田種菱角，號做菱角鳥，名聲迵四海。進前風颱報報菱角鳥拚命護岫，透風落雨嘛堅持孵卵。
以早台灣這款鳥仔四界有，濺農藥害in險險仔欲無去。今護育有成，才通看著菱角鳥。我買菜攏買有機的，我相信對環境好就是對人好。阮兜兔仔食菜干焦食有機菜，伊喙足揀的。
3文化玩百是文化部活動，總共110的景點，通去遐收集貼紙，了解在地文化地景。手冊設計甲chín好，細本好紮。今歇熱毋知去佗位耍，看這本就著啦！
我去新竹耍，有朋友佇貢丸湯食頭路，伊推薦我這个活動。以早蹛新竹，定定感覺無所在通去，彼陣閣有疫情，足濟店倒去，實在有夠鬱卒。去見域聽著足濟旅遊資訊，頭一改感覺新竹好耍。新竹市區舊厝chín濟，古蹟活化做甲誠好，真濟所在好踅。我進前佇台中中區食頭路，彼都天差佮地，離開第二市場，幾若條街店全倒了了，嘛無稅出去，倚近台中公園遐大樓治安無蓋好。這改去新竹市，足濟所在都毋捌去過，以後閣想欲去！