3尾兔仔26／5／13

siûⁿ-siûⁿ--ê（1）、siûⁿ-siûⁿ--ê（2）、siûⁿ-siûⁿ--ê（3）

1綴你轉厝好毋（家、ついて行ってイイですか?），納豆仙人靠祖公仔屎過日，卵白質來源干焦納豆，高級地段別莊袂輸鬼仔厝放予爛，厝內納豆pho-lí-lóng盒仔四界抨。納豆仙人活甲誠快活，閣愈來愈緣投，正港的仙人。

我毋捌食納豆。納豆仙人予我足好奇納豆的滋味。這馬納豆是3盒一組，以早日本是6盒一組，以早一口灶是6个人。納豆冷凍保存，欲食前囥冷藏退冰一暝。納豆看著足驚人，黏𣻸𣻸閣小可有味。臭豆腐彼味較重若成物件爛去，鼻慣勢to袂驚。

日本báng-kah看納豆遐濟擺，頭一擺看著猶是驚一下。摻瓜仔哖、烏骨仔（切幼幼形若星）、串仔魚罐頭、唐心卵、蔥仔珠、oa-sá-bih、豆油攪攪咧，納豆的味溫和，有成豆乳。按呢做嘛成poke，食了誠飽，毋知講是佮意抑是討厭，食無慣勢。食食咧，彼siûⁿ-siûⁿ--ê感覺，敢若熟似熟似，真成湯。官能小說袂形容就親像成納豆按呢siûⁿ-siûⁿ--ê--hoⁿh？

《有才調就試看覓》（じゃあ、あんたが作ってみろよ）有做納豆俗麭，後改閣買納豆做看覓。

2菜市仔罕得有賣蕨貓，生甲足成香瓜仔鬚，都愛趁鮮食，囥久koa甲人晡袂loeh。蕨貓嘛𣻸𣻸的，這看著青青--ê較袂亂想。野菜並青菜閣較鮮沢營養的款。熱人時有麻穎食。我愛食苦瓜，麻穎並苦瓜閣較苦，苦甲擋袂牢。麻穎湯我無愛，Match cafe 的麻穎khu-lì-mù我chín愛食，苦苦甜甜帶青草芳。

3英學宇宙的Siâu--ê有去配【童年轉生】夢蝶村:天命未盡【台語音聲】，這是台語成人ASMR廣播劇。我就買來聽，支持Siâu--ê。Handoru 寒濤旅社閣有出【台語音聲×中文字幕】跋筊跋到破產兮我，予烏道大小姐捋潲雕督，這是豐原腔。製作單位做情色劇，閣有甲台語詞表，發明新的台語詞。字幕有白話字通揀。誠用心咧做。我聽這敢若是咧語言學習。

進前有人問我敢有台灣話女性向的聲音作品通看，真可惜無這種作品！這馬男性向較濟，足想欲聽著好聽閣𣻸𣻸ê查埔聲演！

【童年轉生】夢蝶村:天命未盡【台語音聲】

【台語音聲×中文字幕】賭博賭到破產的我，被黑道大小姐榨精調教