3尾兔仔26／2／23

大香香、揀幼的、雞籠外海鬼仔古

1大香香是明日香畫ê粉紅色兔仔，我毋知算是古錐抑是怪奇，聽講這2種感覺摻做伙號做恐怖。台灣達佮膨鼠確定是古錐，彼粉紅仔色就……，橫直我chín迷伊。《台語原來是這樣》用生活經驗來紹介特殊台語詞，閣有明日香奇異多彩的畫相配。

2天氣一下仔涼冷，一下仔燒熱，Pong-pong草食真少，胃口無好，飼伊食菜，伊揀幼的食。盛飼料Pong - ê就食甲suh-suh叫。我逐家佮伊耍食草遊戲，揬草仔枝到伊喙，伊若有心情佮我耍，草含咧大力搝，我草捏牢牢，愛伊喙齒鉸斷才準算，罔晡罔晡伊就有興頭去食草。飼兔仔的趣味就是飼兔仔食草食菜。

3 228欲到矣，推薦逐家來聽《hái！佇遮啦》雞籠外海鬼仔古，比鬼仔古閣較恐怖的故事。

毋知boăi緊，這馬補閣會赴，感恩賈董。

「台灣轉型正義 記憶測驗」98分，有足濟是我自細漢知影的代誌，我是電視囡仔，民視有報林家血案等等。有去過228紀念館，相關紀錄片看過幾若部。我知影的猶是無到，無命屍占大多數。288的受難者欲2萬人。