3尾兔仔12／23／25
台灣ê故事、英學宇宙、Αφροδίτη
1 我19歲到土耳其了後才發現我講袂清楚，中華民國佮台灣是啥物關係？啊中華民國佮中國閣是按怎樣，哪會逐家攏講中華民國就是中國？家己去揣資料理解這「曖昧的」國家歷史。咱義務教育歷史課上十幾年，我猶是舞無啊！歷史老師親像攏刁工無欲袂清楚，咱到底是啥物國家？課本教的閣是啥物國的歷史呢？有的無的背一大堆，結果家己是佗一國、啥物人都毋知。洗腦咱台灣自本就是中華民國的，事實敢是按呢？
《台灣ê故事 — — 寫予咱ê島嶼系列套書》是用臺文寫臺文歷史，徛佇台灣的角度看歷史。這本冊先請歷史學者寫華語，了後倩翻譯共翻做台語。
以早歷史課本用華語教「佃ㄉㄧㄢˋ 農ㄋㄨㄥˊ 」、「械ㄒㄧㄝˋ 鬥ㄉㄡˋ 」，後來我才發現彼陣台灣無講華語，根本毋是按呢唸，是械鬥hāi-tò͘，是田佃chhân-tiān贌田pa̍k-chhân來做。了解咱的歷史，愛用家己的語言才通看予明。2025年就推薦逐家來讀這套冊。
台灣ê故事--寫予咱ê島嶼系列套書 - 謝艾倫 | Readmoo 讀墨電子書
《台灣ê故事--寫予咱ê島嶼系列套書》電子書 - 這改，咱總算有一部kōo台語文書寫ê台灣史......世界史文脈 x 多物種交陪x 多族群做伙台...moo.im
《Lán ê 島嶼．lán ê 歷史》周婉窈Chiu Oán-biáu先生台語講臺灣史，有一系列廣播節目通聽，周先生講甲精彩，有時仔用小人物的故事，予咱對彼个時代有同感。親像小台的故事，1874年有排灣族少女hōng𤆬去日本「留學」，對「文明」的日本轉來到「野蠻」的部落，害伊鬱卒到死。有一寡代誌咱袂記哩毋知矣，毋過確實發生過，古早的血淚慘案，周先生用聽著足溫柔講予咱聽。予咱對台灣熟似甲閣較深刻。
2有人佮意足「水」的節目內容，英學宇宙是上善若水。
我最近足迷聽英學宇宙，韶的佮柏仔主持，攏是臺文所畢業的，用台語開講五四三，練痟話中有豐沛智識。這是台語podcast，毋是彼種小可講台語的節目，九成九講台語，閣會創作新詞。In不時展冊櫥仔，1450精神演講，予我聽甲想欲應著著著著著，講甲真對點！In講遐有的無的害我笑甲欲反過去，運動的時千萬莫聽。韶的有咧做配音，聲音魔術師，有時陣會唱歌，聽伊罵柏仔是這个節目的重點之一。柏仔喙瀾真濟，毋過講話真有水準捌真濟，伊本名陳柏宇，嘛是《台灣ê故事》的臺文翻譯之一，伊閣有一个口座叫「詩予你看si_hoo_li_khuann」（若是捌台語你會笑），內容真硬篤咧翻譯Yeats的詩。敢若是兩个人的節目，韶的定定講著in男朋友、阿姊佮阿爸阿母，閣有柏仔飼的貓仔阿好嘛來鬥鬧熱。
英學宇宙：https://www.facebook.com/inghakutiu/
詩予你看：https://www.threads.com/@si_hoo_li_khuann
In錄2百外集矣，我來推薦幾集真佮意的。
Ep.203 欲食偌飽！：食甲飽鋩角
Ep.205 韶的「尖牙利齒」：我足愛聽韶的唱歌
Ep.07食酒駛車就是白lān！
Ep.156韶的揣姐夫：韶的阿姊上推薦這集！
3 2025聽上濟改的歌是Αφροδίτη，我咧聽的時當做家己就是Αφροδίτη。